Sunday, January 22, 2012

خمســـ20ــــة يناير كلاكيت تاني مرة ... أكشن !







باختصار ومن غير ما اتكلم كلام كتير 
ليه المفروض تنزل التحرير 
وتطالب باسقاط حكم العسكر بقيادة المشير

لان احنا ما حققناش حاجة اصلا من اللي طالبنا بيها 


"عيش .. حرية .. عدالة إجتماعية" 

مش لازم اقنعك بكلام كتير مكرر 
وبيتقال ف كل حتة 
ومش هاخترعلك كلام جديد يحفزك انك تنزل وتطالب بحقك 
ببساطة لان ما فيش حاجة اتحققت 
لو كنت مقتنع بالشعار اللي نزلت بيه من سنة 
ومقتنع بالمطالب اللي بدأنا بيها الثورة 
يبقى هتكون مقتنع تمام الاقتناع من اهمية نزولك 
وأهمية إننا نعيد الثورة من جديد 


لو راضي بقى بالتغيير اللي حصل من ايقاف التوقيت الصيفي واستبدال قناع مبارك بقناع اسوأ منه وهو المشير 
يبقى خليك في بيتكم دفيان ومرتاح لان الجو برد 
بس تقعد ف بيتكم وانت ساكت 
وسيب اللي مش حاسس بالتغيير واللي بيطالب بحق الناس اللي ماتت - علشان حضرتك تعيش - يتظاهر ويعمل اللي هو عاوزه 

متفقين ؟!



2 comments:

Anonymous said...

متفقين :)
ehsan sultan

Anonymous said...

متفقين اكيييد
ehsan sultan